45

امی ابو، میں اپنی زندگی آپ دونوں کے بغیر گزارنے کا سوچ بھی نہیں سکتی، حرا مانی کی والدین کے ساتھ ڈانس ویڈیو وائرل

کراچی (این این آئی) معروف اداکارہ حرا مانی کی جانب سے سوشل میڈیا پر اپنے والدین کے ہمراہ ڈانس کرتے ہوئے ویڈیو شیئر کی گئی ہے جو کہ انٹرنیٹ پر وائرل ہو گئی ہے۔حال ہی میں اداکارہ نے انسٹا گرام اکاؤنٹ پر ایک ویڈیو شیئر کی ہے جس میں وہ کسی پارٹی میں موجود ہیں اور اپنے والدین کی ڈانس کرتے ہوئے ویڈیو بنا رہی ہیںاور کچھ دیر بعد کیمرہ کسی اور کو تھما کر خود بھی اپنے والدین کے ساتھ ڈانس کرنا شروع کر دیتی ہیں۔حرا مانی کی جانب سے اپنی اس ویڈیو کے کیپشن میں اپنے والدین کے

لیے ایک خوبصورت جذبانی پیغام بھی شیئر کیا گیا ہے۔حرا مانی کا ہنستے ہوئے کہنا تھا کہ ’ارے ہٹو میں بھی جا رہی ہوں، اماں ابا کے ساتھ ڈانس کا موقع کون جانے دیتا ہے ہاتھ سے‘۔اْنہوں نے کہا کہ ’میرے پیارے امی ابو، میں اپنی زندگی آپ دونوں کے بغیر گزارنے کا سوچ بھی نہیں سکتی، اللّٰہ آپ دونوں کو ایسے ہی ہنستا کھیلتا صحت مند رکھے، آمین۔‘دوسری جانب برطانوی پروڈیوسر جمائما گولڈ اسمتھ کی جانب سے پاکستانی باصلاحیت خوبرو اداکارہ سجل علی کو لیجنڈ قرار دے دیا گیا ہے۔جمائما گولڈ اسمتھ نے ٹوئٹر پر سجل علی اور بھارتی سینئر اداکارہ شبانہ اعظمی کے ساتھ دو تصاویر شیئر کی ہیں۔جمائما گولڈاسمتھ کی جانب سے ٹوئٹر پر شیئر کی گئی دونوں تصاویر میں وہ سجل علی اور شبانہ اعظمی کے ساتھ خوشگوار موڈ میں نظر آ رہی ہیں۔جمائما نے اپنے ٹوئٹ کے کیپشن میں دونوں اداکاراؤں کو جنوبی ایشیا کی لیجنڈ اداکارائیں قرار دیتے ہوئے کہا کہ میں جنوبی ایشیا کی دو لیجنڈ اداکاراؤں کے ساتھ کام کر رہی ہوں اور ساتھ میں جمائما نے ان دونوں فنکاروں کو ٹوئٹر پر ٹیگ بھی کیا ہے۔



اس خبر پر اپنی رائے کا اظہار کریں

اپنا تبصرہ بھیجیں