38

لوٹے اکٹھے کرنا ،لوٹوں کی منتیں ترلے کرنا واقعی عمران خان کیلئے اعصاب شکن کام ہے، جنوبی پنجاب کے لال پیلے گھوڑے اب عمران خان کی دسترس سے باہر ہوتے جارہے ہیں، تہلکہ خیز دعویٰ

لاہور (این این آئی) مسلم لیگ (ن) پنجاب کی سیکرٹری اطلاعات عظمی بخاری نے کہا ہے کہ لوٹے اکٹھے کرنا ،لوٹوں کی منتیں ترلے کرنا واقعی عمران خان کیلئے اعصاب شکن کام ہے،جنوبی پنجاب کے لال پیلے گھوڑے اب عمران خان کے دسترس سے باہر ہوتے جارہے ہیں۔ اپنے بیان میں انہوںنے کہاک عمران خان نے 2018کےالیکشن سے پہلے جن گھوڑوں کو پٹے ڈالے وہی آج ان کو بلیک میل کررہے ہیں،عمران خان نے جو گڑھے نوازشریف کیلئے کھودے ان میں آج خود ہی گررہے ہیں۔ہارس ٹریڈنگ کا بادشاہ اب نئے قربانی کے بکرے تلاش کرنے میں مصروف عمل ہے،اس

لیئے شاہی سواری لاہور آرہی ہے، لوٹاپارٹی کو لوٹے ہر بازار سے با آسانی مل جاتے ہیں۔دوسری جانب مسلم لیگ (ن) کی نائب صد رمریم نواز نے کہا ہے کہ ایک نا اہل اور نالائق شخص کوبچا نے کے لئے انصاف کے پورے نظام اور ججز کی عزت کو جھونکا جارہا ہے اوریہ عدلیہ کی عزت اورکریڈیبلٹی کے لئے اچھی چیز نہیں ہے ،ایسے شخص جسے گلی گلی محلے محلے القابات سے نوازاجارہا ہے ایسے شخص کو بچانے کے لئے عدلیہ اور عدل کاپورے نظام جھونکنا کوئی عقلمندی نہیں ، ویڈیو بنانے ،ریلیز کرنے ، پیسے لینے اور دینے والے یہ خود ہیں تو یہ کس کو بیوقوف بنا رہے ہیں،جب تمہیں ٹائمنگ سوٹ کرے تو چیئرمین سینیٹ کا پورا الیکشن چوری کرلواور جب تمہارے اراکین اسمبلی بھاگ رہے ہوں تو تمہیں ٹائمنگ یاد آ گئی ہے ، بندہ تابعدار کے ساتھ بیٹھ کر قانون سازی نہیں ہوسکتی، جہاں جہاں عوام کی طاقت ہوگی وہاں (ن)لیگ کو شکست دینا ناممکن ہے،ہمیں علم ہے جو پارٹی کے خلاف غداری یا بے وفائی نہیں کرنا چاہتا، رابطے اوپر ہوتے ہیں ، ہر کسی کواعتماد میں نہیں لیا جاتا، بیک ڈور رابطوں کی ضرورت ان کو ہے جو مشکل میں ہیں، ہمیں نہیں ہے۔ جاتی امراء کے باہر میڈیا سے گفتگو کرتے ہوئے مریم نواز نے کہا کہ ڈسکہ سے جو خبریں آرہی ہیں وہ بہت اچھی ہیں، وہاں شیر جیتے گا ،وہاں پر او رجہاں جہاں ووٹ کی طاقت استعمال ہو گی ،جہاں جہاں عوام کی طاقت ہو گی ووٹ ڈلےگا وہاں (ن) لیگ کوشکست دینا نا ممکن ہے اور(ن) لیگ جیتے گی ، حکمرانوںکو جیت نظر آرہی ہے تبھی عطا اللہ تارڑ والا واقعہ ہوا ،تبھی اس قسم کے ہتھکنڈے استعمال ہو رہے ہیں ، ان کو سمجھ نہیں آرہی کہ سب کچھ کرنے اور ہر ہتھکنڈا استعمال کرنے کے باوجود ان کو شکست ہوئی ہے ، ان اصلیت عوام کے سامنے کھل کر آگئی ہے



اس خبر پر اپنی رائے کا اظہار کریں

اپنا تبصرہ بھیجیں