46

سینٹ الیکشن ، تحریک انصاف نے اپنے امیدواروں کو شارٹ لسٹ کرلیا ،علی ترین سمیت کئی بڑے بڑے نام شامل

اسلام آباد(آن لائن ، این این آئی ) سینیٹ الیکشن کے لئے حکمران جماعت تحریک انصاف نے اپنے امیدواروں کو شارٹ لسٹ کرلیا ۔ ذرائع کا کہنا ہے کہ امیدواروں کے حتمی ناموں کی منظوری وزیراعظم عمران خان دینگے ۔خیبر پختونخوا سے ثانیہ نشتر،محسن عزیز،شبلی فراز،حمید الحق،شہزاد گل اعوان کےنام شارٹ لسٹ کئے گئے ہیں ۔پنجاب سے عبدالرزاق داؤد، علی خان ترین،شہباز گل،بیرسٹر شہزاد اکبر،سیف اللہ خان نیازی،اکبر یوسف،امین اسلم،کامل علی آغا کو شارٹ لسٹ کیا گیا ،وفاقی دارلحکومت سے زلفی بخاری،بابر اعوان ،عامر مغل شارٹ لسٹ ،خو اتین کی نشستوں پر نیلوفر بختیار،نگہت محمود اور نیلم ارشد کو

لسٹ کیا گیا ہے،سندھ اور بلوچستان سے امیدواروں کا حتمی فیصلہ اتحادیوں کی مشاورت سے ہوگا۔دوسری جانب الیکشن کمیشن آف پاکستان نے سینیٹ انتخابات 2021 میں ریٹرننگ افسران کو سکرونٹی کے دوران ضروری سہولیات مہیا کرنے اور امیدواروں کے کاغذاتِ نامزدگی کی جانچ پڑتال کے نظام کو بہتر بنانے کے لیے الیکشن کمیشن سیکریٹریٹ اور چاروں صوبائی الیکشن کمشنروں کے دفاتر میں ڈیجیٹل سہولت سنٹرز (Digital Facilitation Centers) قائم کر دیئے ہیں۔ اس نظام کے تحت امیدوارں کے تمام کوائف کی جانچ پڑتال آن لائن ٹیکنالوجی کی مدد سیوزارتِ داخلہ (ایف آئی اے)، نادرا، نیب، فیڈرل بورڈ آف ریوینو اور سٹیٹ بنک سے کی جائے گی۔ اور ان اداروں سے فراہم کردہ معلومات تمام ریٹرننگ افسران کو مہیا کی جائیں گی، تاکہ ریٹرننگ افسران بہتر انداز میں اپنا کام سرانجام دے سکیں۔ الیکشن کمیشن نے چیئرمین نیب، نادرا،ایف بی آر، سٹیٹ بنک اور وزارتِ داخلہ سے ضروری تعاون کے لیے کہا ہے۔ اس سلسلے میں سیکریٹری الیکشن کمیشن کی طرف سے تمام متعلقہ اداروں کے سر براہان کو خطوط بھی ارسال کئے جاچکے ہیں، جس میں گزارش کی گئی ہے کہ ہر ادارہ فوکل پرسنز (منتخب نمائندے)فوری طور پر نامزد کر کے الیکشن کمیشن کوآگاہ کرے ۔ الیکشن کمیشن نے یہ اقدام سینیٹ انتخابا ت کے عمل کو با احسن اور شفاف طریقے سے مکمل کرنے کے لئے اٹھایا ہے ۔



اس خبر پر اپنی رائے کا اظہار کریں

اپنا تبصرہ بھیجیں