37

’’کرپشن کے خلاف جنگ میں عمران خان کا سپاہی ہوں‘‘ عبیداللہ مایار کیخلاف ہتک عزت دعویٰ دائرکرنے کا اعلان 

اسلام آباد(آن لائن)تحریک انصاف کے سینیٹر فدا محمد خان نے پی ٹی آئی کے سابق رکن صوبائی اسمبلی عبید اللہ مایار کے خلاف ہتک عزت کا دعویٰ دائر کرنے کا اعلان کردیا ہے۔ واضح رہے کہ گزشتہ روز میڈیا پر ایک ویڈیو وائرل ہوئی تھی جس میں اراکین صوبائی اسمبلی کو پیسوں کا لین دین کرتے دکھایا گیا تھا جس میں عبیداللہ مایار بھی موجود تھے۔اس حوالے سےجاری بیا ن میں عبیداللہ مایار نے سینیٹر فدا محمد خان پر بے بنیاد الزامات لگائے تھے۔سینیٹر فدا محمد خان نے ان الزامات کی وجہ سے عبیداللہ مایار کے خلاف قانونی چارہ جوئی

کرنے کا اعلان کرتے ہوئے کہا ہے کہ وہ وزیراعظم عمران خان کی کرپشن کے خلاف جنگ میں ایک سپاہی ہیں۔انہوں نے 2018کے سینیٹ انتخابات میں پیسے لینے والے اپنی پارٹی کے بیس اراکین کو پارٹی سے نکال دیا تھا اور عبیداللہ مایار انہی میں سے ہیں۔ہارس ٹریڈنگ جمہوریت کے لئے انتہائی خطرناک ہے اسی لئے عمران خان اس کا خاتمہ چاہتے ہیں۔ان کا کہنا تھا کہ عبیداللہ مایار کے لگائے گئے الزامات مضحکہ خیز،بے بنیاد اور جھوٹ کا پلندہ ہیں۔ پاکستان کی سیاست میں جھوٹے الزامات لگانا آسان ہے ،اگر مایار کے پاس میرے خلاف کسی قسم کے ثبوت ہیں تو وہ سامنے لائیں۔عبیداللہ مایار قوم کو یہ بھی بتائیں کہ انہیں کن ثبوتوں کی بنیاد پر پارٹی سے نکالا گیا تھا۔



اس خبر پر اپنی رائے کا اظہار کریں

اپنا تبصرہ بھیجیں