31

الیکشن کمیشن نے سینیٹ الیکشن 2021ء کیلئے ریٹرننگ ، پولنگ افسران کی تقرری کردی

اسلام آباد (این این آئی)الیکشن کمیشن نے سینیٹ الیکشن 2021ء کیلئے ریٹرننگ اور پولنگ افسران کی تقرری کردی۔الیکشن کمیشن آف پاکستان نے سینیٹ انتخابات کے عملے کی تقرری کا نوٹیفکیشن جاری کردیا ہے جبکہ انتخابات کا شیڈول 11 فروری کو جاری کیا جائے گا۔نوٹیفکیشن کے مطابق اسلام آباد میں سپیشل سیکریٹری ظفر اقبال ریٹرننگ افسر ہونگے۔شمشاد خان، شاہد اقبال اور آصف علی یاسین اسلام آباد کے پولنگ افسران مقرر کئے گئے ہیں۔نوٹیفکیشن کے مطابق وقاص ملک، عاطف رحیم، کاشف عباس ملک اور تبسم جاوید بھی اسلام آباد کے پولنگ افسران ہوں گے۔صوبائی الیکشن کمشنر اعجاز انور چوہان سندھ، غلام اسرار

خان پنجاب کے ریٹرننگ افسر مقرر کئے گئے ہیں۔نوٹیفکیشن کے مطابق صوبائی الیکشن کمشنر شریف اللہ خیبرپختونخوا جبکہ محمد رازق بلوچستان کے ریٹرننگ افسر مقرر کیے گئے ہیں۔سینیٹ انتخابات 2021ء کیلئے پولنگ قومی اسمبلی اور چاروں صوبائی اسمبلیوں میں ہوگی، اس حوالے سے شیڈول 11 فروری کو جاری کیا جائے گا۔



اس خبر پر اپنی رائے کا اظہار کریں

اپنا تبصرہ بھیجیں